آج کل ہیڈفونز کا استعمال بہت عام ہو چکا ہے، لیکن بہت سے لوگ اس کے نقصانات سے آگاہ نہیں ہیں۔ ہیڈفونز کا زیادہ استعمال خاص طور پر طویل عرصے تک آپ کی سماعت کے لیے خطرناک ہو سکتا ہے۔
خاص طور پر جب آپ ہیڈفونز کی آواز زیادہ تیز رکھیں، تو اس سے سماعت پر منفی اثرات زیادہ تیزی سے ظاہر ہوتے ہیں۔ ہیڈفونز کے استعمال سے سماعت پر جو اثرات مرتب ہو سکتے ہیں، ان میں درج ذیل شامل ہیں:
ٹنائٹس (Tinnitus): کانوں میں گھنٹی کی آواز یا ہنکنا
سننے میں مشکل: شور شرابے والے ماحول میں یا عام حالات میں بھی لوگوں کی باتیں صاف سننے میں مشکل ہونا
حسی سماعت کا نقصان: اندرونی کان یا سمعی اعصاب میں خلیوں کا نقصان، جو آوازوں کی پہچان میں دشواری پیدا کرتا ہے۔
ہیڈفونز کے استعمال کے دوران سماعت کی حفاظت کے لیے کچھ تجاویز:
-
اگر آپ روزانہ ہیڈفونز استعمال کرتے ہیں، تو وقفے لینا ضروری ہے۔ آپ 60/60 اصول اپنا سکتے ہیں، یعنی 60 منٹ تک ہیڈفونز کی آواز 60 فیصد والیوم پر رکھیں اور پھر ایک گھنٹے کا وقفہ لیں۔
-
ایسے ہیڈفونز استعمال کریں جو کانوں کے اوپر آرام دہ ہوں۔
-
یہ بھی ضروری ہے کہ آپ کے ہیڈفونز میں والیوم کنٹرول بٹن موجود ہو تاکہ آواز کو مناسب سطح پر رکھا جا سکے۔
عالمی ادارہ صحت (ڈبلیو ایچ او) کے مطابق، آٹھ گھنٹے کام کے دوران 80 ڈی بی والی آواز سننا محفوظ ہے۔
یاد رکھیں کہ ایئرفونز کا زیادہ استعمال کان کی نالیوں میں میل کو مزید دھکیل سکتا ہے، جو آواز میں رکاوٹ پیدا کر سکتا ہے۔
