تازہ ترین نیوٹریشن سیکٹر کے بلیٹن میں کہا گیا ہے کہ پاکستان کو 2024 میں غذائیت اور غذائی تحفظ کے حوالے سے اہم چیلنجز کا سامنا رہا، اور کچھ پیش رفت کے باوجود ملک اب بھی غذائی قلت اور غذائی عدم تحفظ کی بلند شرحوں کے ساتھ جدوجہد کر رہا ہے۔
خوراک کی بلند قیمتیں، موسمی حالات، اور معاش کے کم مواقع خوراک کی شدید عدم تحفظ کا باعث بن رہے ہیں۔
تقریباً 22 فیصد لوگوں کو خوراک کی شدید عدم تحفظ کا سامنا ہے۔ وزارت قومی صحت، رجسٹریشن اور کوآرڈینیشن کی طرف سے شائع کردہ بلیٹن کے مطابق فصل کی کٹائی کے بعد کے موسم میں اس صورتحال میں قدرے بہتری کی توقع ہے۔
ملک کو 2030 تک پائیدار ترقی کے اہداف (ایس ڈی جیز) کے غذائی تحفظ اور غذائیت کے اہداف کو پورا کرنے میں بڑے چیلنجز کا سامنا ہے۔
صرف 38 فیصد بچوں کو زندگی کے پہلے چھ ماہ تک صرف ماں کا دودھ پلایا جاتا ہے۔ پانچ سال سے کم عمر کے 40 فیصد سے زیادہ بچے غذائی قلت کا شکار ہیں، 17.7 فیصد بچوں کا ماں کا دودھ ضائع ہوجاتا ہے، 28.9 فیصد کا وزن کم ہے، جبکہ نصف سے زیادہ خون کی کمی کا شکار ہیں اور ضروری غذائی اجزا اور وٹامنز جیسے آئرن (28.6 فیصد)، زنک (18.6 فیصد)، وٹامن اے (51.5 فیصد) اور وٹامن ڈی (62.7 فیصد) کی کمی کا شکار ہیں۔
نیشنل نیوٹریشن سروے 2018 نے زیادہ وزن اور موٹاپے کے ابھرتے ہوئے رجحان کے ساتھ کم غذائیت کی مسلسل بلند شرح کا انکشاف کیا تھا۔ پاکستان میں ماں کا دودھ ضائع ہونے کی شرح بہت زیادہ ہے، ملک کے کئی علاقوں کو اس حوالے سے ہنگامی سطح پر سمجھا جاتا ہے۔
