آج کل مارکیٹ میں مختلف برانڈز کے رنگین ٹنٹس باآسانی دستیاب ہیں، جو سستی اور کارآمد میک اپ مصنوعات میں شمار ہوتے ہیں۔ یہ ایک ورسٹائل پروڈکٹ ہے جو آپ کے میک اپ کو سادہ اور تیز بناتا ہے۔
ٹنٹ کو آپ مختلف طریقوں سے استعمال کر سکتی ہیں، جیسے کہ ہونٹوں کی رنگت بڑھانے کے لیے، گالوں پر بلش کے طور پر یا آنکھوں پر آئی شیڈو کے طور پر بھی لگا سکتی ہیں۔
اگر آپ کہیں باہر جارہی ہوں اور چاہ رہی ہوں کہ کم سے کیم میک اپ کاسامان ساتھ لیاجائے تو ٹنٹ آپ کی ضرورت کے مطابق ایک بہترین انتخاب ہو سکتا ہے۔
آپ یہ جان کر خوش ہوں گی کہ اب اپنے گھر میں قدرتی اور کیمیکل سے پاک ٹنٹ تیار کیے جاسکتے ہیں، جو نہ صرف سستے ہیں بلکہ جلد کے لیے بھی محفوظ ہیں۔ مختلف قدرتی اجزاء کی مدد سے آپ ایک خوبصورت اور نکھرنے والی رنگت حاصل کر سکتی ہیں، جو ہونٹوں اور گالوں کو بغیر کسی نقصان کے چمکدار بنا دے گی۔
چقندر کا رنگ
چقندر کا رنگ بنانے کے لیے، آپ کو چند سادہ اجزاء کی ضرورت ہوگی۔
1چمچ چقندر کا پاوڈر
1 چمچ نامیاتی سبزی گلیسرین
1 چمچ جوجوبا تیل
ایک چھوٹا سا برتن لیں، پہلے نامیاتی سبزیوں کی گلیسرین، جوجوبا آئل اور چقندر کا پاؤڈر اچھی طرح مکس کریں۔
ایک صاف میک اپ برش کو ٹنٹ میں ڈبوئیں، اور اپنے گالوں پر تھوڑی سی مقدار لگائیں۔
سرکلر موشن میں اس وقت تک مکس کریں جب تک کہ یہ آپ کی جلد پر اچھی طرح نہ مل جائے۔
اسے انگلیوں سے ہونٹوں اور گالوں کی جلد پر لگائیں۔
لیموں کے ساتھ عرق گلاب کا استعمال
اس ٹنٹ کوبنانے کے لیے آپ کو ان اجزا کی ضرورت ہوگی۔
گلاب کی تازہ پنکھڑیاں (گہرے سرخ یا گلابی گلاب)
ایلو ویرا جیل
ناریل کا تیل (اختیاری)
گلاب کا ضروری تیل (اختیاری)
گلاب کے قدرتی ٹنٹ کو گھر پر تیار کرنا ایک انتہائی سادہ اور قدرتی طریقہ ہے جو آپ کی جلد کے لیے فائدہ مند ہوتا ہے۔
سب سے پہلے گلاب کی تازہ پنکھڑیوں کو اچھی طرح دھو کر کاغذ کے تولیے سے خشک کر لیں تاکہ ان میں موجود کسی بھی مٹی یا پانی کا اثر ختم ہو جائے۔
پھر ان پنکھڑیوں کو بلینڈر میں ڈال کر اچھی طرح پیس لیں تاکہ ایک نرم اور ہموار پیسٹ تیار ہو جائے۔
اس پیسٹ کو چھاننے کے لیے باریک میش اسٹرینر کا استعمال کریں تاکہ گلاب کا رس علیحدہ ہو جائے اور اس میں موجود گلاب کا جوس آپ کے ٹنٹ میں شامل ہو سکے۔
اب اس رس میں چند چمچ ایلو ویرا جیل ڈالیں اور ان اجزاء کو اچھی طرح مکس کریں تاکہ ایک نرم اور جاذب نظر مکسچر حاصل ہو۔
اگر آپ کو اضافی نمی کی ضرورت ہو تو ناریل کا تیل بھی تھوڑا سا شامل کر سکتی ہیں، جو آپ کی جلد کو مزید نرم اور ہموار بنائے گا۔
اس کے علاوہ، خوشبو کے لیے گلاب کے ضروری تیل کے چند قطرے بھی اس مکسچر میں شامل کر سکتی ہیں
اس تیار شدہ ٹنٹ کو ایک چھوٹے جار میں محفوظ کر لیں تاکہ یہ دیر تک محفوظ رہ سکے۔
جب بھی آپ اسے استعمال کرنا چاہیں، ایک روئی کی گیند یا انگلیوں کی مدد سے اس قدرتی ٹنٹ کو اپنے ہونٹوں اور گالوں پر آہستہ آہستہ لگائیں۔
یہ ٹنٹ آپ کی جلد کو قدرتی طور پر چمکدار بنانے کے ساتھ ساتھ اسے نرم و ملائم بھی رکھے گا۔
کوکو ٹنٹ
اگر آپ براؤن شیڈ ٹنٹ چاہتی ہیں تو کوکو پاؤڈر کی مدد سے براون لپ ٹنٹ تیار کر سکتی ہیں۔
½ چائے کا چمچ کوکو پاؤڈر
1 کھانے کا چمچ کوکو بٹر
1 چمچ میٹھا بادام کا تیل
2 چٹکی کافی پاؤڈر
سب سے پہلے، آپ کو کوکو بٹر، بادام کا تیل، کافی پاؤڈر اور گلیسرین کو ایک چھوٹے برتن یا براہ راست جار میں اچھی طرح مکس کرنا ہوگا۔ ان تمام اجزاء کو اس قدر مکس کریں کہ ایک ہموار اور یکساں مکسچر تیار ہو جائے۔
جب مکسچر تیار ہو جائے، تو اسے ایک چھوٹے جار یا کسی بھی مناسب برتن میں ڈال کر ریفریجریٹر میں سیٹ ہونے کے لیے چھوڑ دیں۔ کچھ وقت بعد، جب مکسچر ٹھوس ہو جائے، تو آپ اسے آرام سے اپنے ہونٹوں پر لگانے کے لیے استعمال کر سکتی ہیں۔
یہ ٹنٹ نہ صرف ہونٹوں کو رنگت دینے کے لیے بہترین ہے بلکہ اسے آپ کنٹورنگ کے لیے بھی استعمال کر سکتی ہیں۔
اگر آپ چاہیں تو اسے آئی شیڈو یا بھنوؤں کو بھرنے کے لیے بھی استعمال کیا جا سکتا ہے۔ اس کی قدرتی ترکیب اسے نہ صرف کارآمد بناتی ہے بلکہ آپ کی جلد کے لیے بھی محفوظ رکھتی ہے۔
یہ ٹنٹ دو سے تین ہفتوں تک ریفریجریٹر میں محفوظ رہ سکتا ہے، کیونکہ گلیسرین اس کی حفاظت میں مدد دیتی ہے۔ تاہم، یہ خراب ہو بھی سکتا ہے، اس لیے اگر رنگ یا بو میں کوئی تبدیلی آئے، تو اس کا استعمال بند کر دیں۔
جب بھی جار کو استعمال کریں، صاف میک اپ برش یا صاف انگلیاں استعمال کریں تاکہ بیکٹیریا کے داخلے کو روکا جا سکے۔
اس ٹنٹ کو رات بھر فریج میں رکھنے کے بعد اس کا رنگ مزید گہرا ہو جاتا ہے اور اگلے دن یہ زیادہ چمکدار دکھائی دیتا ہے جو لگانے کے بعد زیادہ بہتر نتیجہ دیتا ہے۔
