آئی سی سی چیمپئنز ٹرافی کے سیمی فائنل سے قبل آسٹریلوی ٹیم کو بڑا دھچکا لگ گیا، جارح مزاج اوپنر میتھیو شارٹ انجری کے باعث ایونٹ سے باہر ہو گئے۔
میتھیو شارٹ کو افغانستان کے خلاف میچ کے دوران گھٹنے کی انجری کا سامنا کرنا پڑا تھا، جس کے بعد میڈیکل ٹیم نے انہیں مزید میچز کے لیے نااہل قرار دے دیا۔
آسٹریلوی اسکواڈ میں 21 سالہ کوپر کونولی کو شامل کرلیا گیا ہے، جو اب تک قومی ٹیم کی جانب سے 3 ایک روزہ میچز کھیل چکے ہیں۔
آئی سی سی کی ٹیکنیکل کمیٹی نے اسکواڈ میں اس تبدیلی کی منظوری بھی دے دی ہے۔
واضح رہے کہ آسٹریلیا 4 مارچ کو دبئی میں بھارت کے خلاف چیمپئنز ٹرافی کے سیمی فائنل میں مدمقابل ہوگا۔
