سابق ٹیسٹ کپتان وسیم اکرم نے پاکستان کرکٹ ٹیم کی حالیہ کارکردگی پر برہمی کا اظہار کرتے ہوئے کہا ہے کہ اب وقت آ گیا ہے کہ ٹیم میں کم از کم تین بڑی تبدیلیاں کی جائیں اور نوجوان کھلاڑیوں کو آگے لایا جائے جو دباؤ میں آئے بغیر کھیل سکیں۔
کراچی میں میڈیا سے گفتگو کے دوران وسیم اکرم نے چیمپیئنز ٹرافی میں ٹیم کی مایوس کن کارکردگی پر افسوس کا اظہار کرتے ہوئے کہا کہ گرین شرٹس سے کسی معجزے کی امید نہیں تھی، لیکن پھر بھی کچھ بہتر کھیلنے کی توقع ضرور تھی۔
ان کا مزید کہنا تھا کہ مسلسل شکستوں نے ٹیم کے اعتماد کو کمزور کردیا ہے، اب صرف تنقید کا وقت نہیں بلکہ آگے بڑھنے اور عملی اقدامات اٹھانے کی ضرورت ہے۔
یہی وجہ ہے کہ وسیم اکرم نے بھارت کے خلاف شکست کے بعد ٹیم میں چھ سینئر کھلاڑیوں کو باہر کرنے اور نوجوان کرکٹرز کو موقع دینے کا مطالبہ کیا تھا۔
کیا پاکستان کرکٹ بورڈ وسیم اکرم کی باتوں پر غور کرے گا؟ کیا نئے کھلاڑیوں کو چانس دیا جائے گا؟ یہ تو وقت ہی بتائے گا، لیکن ایک بات طے ہے کہ بڑے فیصلے ناگزیر ہو چکے ہیں!
