ایک کمپنی نے دو منفرد لیپ ٹاپ متعارف کرائے ہیں، جن میں سے ایک فولڈ ایبل اسکرین پر مشتمل ہے اور دوسرا سولر پاور سے چارج ہونے والا ہے۔
یہ دونوں لیپ ٹاپ فی الحال کانسیپٹ ماڈلز ہیں اور عام صارفین کے لیے دستیاب نہیں ہیں۔
چینی کمپنی نے حالیہ برسوں میں ایسے کانسیپٹ ماڈلز متعارف کرائے ہیں جیسے رول ایبل لیپ ٹاپ جس کی اسکرین اوپر کی طرف کھلتی تھی۔
اب کمپنی نے ایک فولڈ ایبل اسکرین سے لیس "تھنک بک فلپ" لیپ ٹاپ پیش کیا ہے۔
جب یہ لیپ ٹاپ مکمل طور پر ان فولڈ کیا جاتا ہے، تو اس کی اسکرین 18 انچ کی ہو جاتی ہے۔
اسے درمیان سے فولڈ کر کے دو اسکرینز میں تقسیم کیا جا سکتا ہے، ایک فرنٹ پر اور دوسری پیچھے۔
اسی طرح پورے ڈسپلے کو فولڈ کرکے اس لیپ ٹاپ کو ٹیبلیٹ کی طرح استعمال کیا جا سکتا ہے۔
فولڈ ایبل اسمارٹ فونز اب عام ہو گئے ہیں، مگر اس قسم کی بڑی اسکرین والے لیپ ٹاپ ابھی تک نایاب ہیں۔
کمپنی کا کہنا ہے کہ اس فولڈ ایبل لیپ ٹاپ کو عام صارفین کے لیے متعارف کرانے کے لیے ابھی بہت کام باقی ہے۔
اس کے علاوہ کمپنی نے "یوگا سولر" نامی ایک اور کانسیپٹ لیپ ٹاپ متعارف کرایا ہے۔
اس سولر پاور لیپ ٹاپ میں بیک پر سولر پینلز نصب ہیں جو سورج کی روشنی کو جذب کر سکتے ہیں۔
اگرچہ اس لیپ ٹاپ کو روایتی چارجر سے بھی چارج کیا جا سکتا ہے، لیکن سولر پاور صارفین کو اس وقت فائدہ دے گا جب چارجنگ پوائنٹس دستیاب نہ ہوں اور سورج کی روشنی موجود ہو۔
کمپنی کا دعویٰ ہے کہ یہ لیپ ٹاپ عام روشنی سے بھی بیٹری کی زندگی ایک گھنٹے تک بڑھا سکتا ہے۔
