ملک میں خام تیل اور گیس کی پیداوار میں ہفتہ وار بنیادوں پر اضافہ ریکارڈ کیا گیا ہے۔ پی پی آئی ایس اور انڈسٹری کے اعدادوشمار کے مطابق 8 مارچ کو ختم ہونے والے ہفتے میں خام تیل کی اوسط یومیہ پیداوار 64,538 بیرل رہی، جو پیوستہ ہفتے کے مقابلے میں 3.8 فیصد زیادہ ہے۔ پیوستہ ہفتے میں خام تیل کی یومیہ پیداوار 62,187 بیرل تھی۔
اسی طرح گیس کی اوسط یومیہ پیداوار 3,033 ایم ایم سی ایف ڈی ریکارڈ کی گئی، جو پیوستہ ہفتے کے مقابلے میں 7.6 فیصد زیادہ ہے۔ پیوستہ ہفتے میں گیس کی یومیہ پیداوار 2,820 ایم ایم سی ایف ڈی رہی۔
اعدادوشمار کے مطابق، او جی ڈی سی ایل کی خام تیل کی یومیہ پیداوار 33,492 بیرل، پی پی ایل کی 9,887 بیرل، پی او ایل کی 4,549 بیرل اور ماڑی گیس کی یومیہ پیداوار 1,128 بیرل رہی۔
گیس کے حوالے سے، او جی ڈی سی ایل کی اوسط یومیہ پیداوار 639 ایم ایم سی ایف ڈی، پی پی ایل کی 540 ایم ایم سی ایف ڈی، ماڑی گیس کی 952 ایم ایم سی ایف ڈی اور پی او ایل کی 53 ایم ایم سی ایف ڈی ریکارڈ کی گئی۔
