وفاقی وزارت برائے تخفیف غربت و سماجی تحفظ نے 2025 کے لیے زکوٰۃ کا نصاب جاری کر دیا ہے۔
وزارت کی جانب سے بینکوں کو ایک مراسلہ بھیجا گیا ہے جس میں کہا گیا ہے کہ اگر یکم رمضان کو آپ کے اکاؤنٹ میں ایک لاکھ 79 ہزار 689 روپے یا اس سے زائد رقم موجود ہو تو زکوٰۃ کی کٹوتی کی جائے گی۔
وزارت تخفیف غربت و سماجی تحفظ کے مطابق بچت اکاؤنٹس، نفع و نقصان والے اکاؤنٹس اور اسی نوعیت کے دیگر اکاؤنٹس پر زکوٰۃ لاگو ہوگی، جبکہ کرنٹ اکاؤنٹس سے زکوٰۃ نہیں کاٹی جائے گی۔
زکوٰۃ و عشر آرڈیننس 1980 کے تحت یکم رمضان کو جن اکاؤنٹس کا بیلنس ایک لاکھ 79 ہزار 689 روپے سے کم ہوگا، ان سے زکوٰۃ نہیں منہا کی جائے گی۔
