اسٹیٹ بینک آف پاکستان کے جاری کردہ اعداد و شمار کے مطابق ملک کے زرمبادلہ ذخائر میں گزشتہ ہفتے کے دوران 23 کروڑ ڈالر کا نمایاں اضافہ ریکارڈ کیا گیا ہے۔ اس اضافے کے بعد سرکاری ذخائر 10 ارب 33 کروڑ 25 لاکھ ڈالر تک پہنچ گئے۔
مرکزی بینک کے مطابق صرف ایک ہفتے میں اسٹیٹ بینک کے ذخائر میں 11 کروڑ 80 لاکھ ڈالر کا اضافہ ہوا، جبکہ کمرشل بینکوں کے پاس موجود ذخائر 5 ارب 15 کروڑ ڈالر ہو چکے ہیں۔ 2 مئی 2025 کو مجموعی زرمبادلہ ذخائر 15 ارب 48 کروڑ 26 لاکھ ڈالر کی سطح پر پہنچ گئے۔
