کراچی میں ایف آئی اے سائبر کرائم سرکل نے سینئر صحافی فرحان ملک کو پیکا قوانین کی خلاف ورزی کے الزام میں حراست میں لے لیا۔
فرحان ملک، جو ایک نجی ٹی وی چینل کے سابق ڈائریکٹر نیوز اور سوشل میڈیا چینل کے چیئرمین ہیں، کو ایف آئی اے نے ایک جاری انکوائری کے سلسلے میں گرفتار کیا۔
ذرائع کے مطابق، انہیں متعدد بار ایف آئی اے سائبر کرائم سرکل کی جانب سے طلب کیا گیا تھا۔ وہ دوپہر ایک بجے ایف آئی اے کے دفتر پہنچے اور طویل انتظار کے بعد شام چھ بجے انہیں گرفتار کر لیا گیا۔
سوشل میڈیا چینل کی انتظامیہ نے اس گرفتاری کو آزادی صحافت پر حملہ قرار دیا، جبکہ صحافتی اداروں اور تنظیموں نے اس اقدام کی شدید مذمت کرتے ہوئے فوری رہائی کا مطالبہ کیا ہے۔
