ماہرین فلکیات کا کہنا ہے کہ پاکستان اور سعودی عرب میں عید الفطر ایک ہی روز یعنی 31 مارچ کو ہونے کے امکانات ہیں۔
ماہر فلکیات کے مطابق چاند کی پیدائش 29 مارچ کو ہوگی، تاہم اس روز سعودی عرب میں چاند نظر آنے کے امکانات کم ہیں۔
ماہر فلکیات ڈاکٹر فہیم ہاشمی کے مطابق 30 مارچ کو دنیا کے تمام حصوں میں چاند انسانی آنکھ سے دیکھا جاسکے گا۔
سعودی عرب میں 29 مارچ کو چاند کی عمر 4 گھنٹے 37 منٹ جبکہ 30 مارچ کو 28 گھنٹے 38 منٹ ہوگی۔ پاکستان میں بھی 30 مارچ کو چاند نظر آنے کے امکانات زیادہ ہیں۔
