اوٹاوا: کینیڈا کی کنزرویٹو پارٹی نے بھارت پر انتخابات میں مداخلت کا الزام لگایا ہے۔ پارٹی کے رہنما پیئر پوئیلیور کا کہنا ہے کہ بھارتی ایجنٹوں نے کینیڈا کے انتخابی عمل میں دخل اندازی کرنے کی کوشش کی۔
کینیڈین سیکیورٹی انٹیلیجنس سروس کے مطابق، بھارت کی مداخلت کے واضح شواہد موجود ہیں، اور یہ کینیڈین کمیونٹیز اور جمہوری عمل کے لیے خطرہ بن سکتی ہے۔ رپورٹ میں یہ بھی بتایا گیا کہ 2022 کے انتخابات کے دوران بھارتی ایجنٹ فنڈ ریزنگ اور منظم سازشوں میں شامل رہے۔
کینیڈین حکومت نے بھارت کے ان اقدامات پر گہری تشویش کا اظہار کیا ہے، جس کے نتیجے میں دونوں ممالک کے تعلقات مزید کشیدہ ہو گئے ہیں۔
