امریکی ریاست الاسکا کی ایک خاتون نے دنیا کا سب سے بڑا مُنہ کھولنے کا عالمی ریکارڈ قائم کر لیا ہے۔ میری پرل زیلمر رابنسن، جو اپنی غیر معمولی صلاحیت کی وجہ سے سب کی توجہ کا مرکز بنی ہوئی ہیں، اپنا مُنہ 7.23 سے 7.33 سینٹی میٹر تک کھول سکتی ہیں۔
اس سے پہلے یہ ریکارڈ 6.52 سینٹی میٹر کے ساتھ رامسڈیل نامی شخص کے پاس تھا۔ خاتون نے ایک انٹرویو میں بتایا کہ بچپن میں وہ اپنے مُنہ میں مالٹا اور لائٹ بلب ڈال کر اپنے بہن بھائیوں کو تنگ کرتی تھیں، اور بعد میں انہوں نے گنیز ورلڈ ریکارڈز میں اپنا نام درج کروا لیا۔
