امریکا نے سعودی عرب کو 100 بلین ڈالر سے زیادہ مالیت کے ہتھیاروں کے پیکیج کی پیشکش کرنے کی تیاری کر لی ہے۔ یہ اعلان امریکی صدر ڈونلڈ ٹرمپ کے مملکت کے دورے کے دوران کیا جائے گا۔
ذرائع کے مطابق، یہ دفاعی پیکیج اس وقت زیر غور آیا جب پچھلی انتظامیہ نے ریاض کے ساتھ دفاعی معاہدے کو حتمی شکل دینے کی کوشش کی تھی، جس کا مقصد اسرائیل کے ساتھ سعودی تعلقات کو معمول پر لانا تھا۔
اس منصوبے میں چینی ہتھیاروں کی خریداری کو روکنے اور ملک میں بیجنگ کی سرمایہ کاری کو محدود کرنے کے بدلے جدید امریکی ہتھیاروں تک رسائی کی پیشکش بھی شامل تھی۔ وائٹ ہاؤس اور سعودی حکومت کی جانب سے اس خبر پر فوری تبصرہ نہیں کیا گیا۔
