پاکستان نے لائن آف کنٹرول پر بھارت کا مکمل بریگیڈ ہیڈکوارٹرز تباہ کر دیا ہے اور 40 سے 50 بھارتی فوجی مارے جا چکے ہیں۔ پاکستان نے بھارتی ڈرون حملوں کا بھرپور جواب دیتے ہوئے 29 ڈرونز کو تباہ کر دیا، جن میں سے کچھ کو جام کر کے اور کچھ کو نشانہ بنا کر گرایا گیا۔
وزیر اطلاعات نے کہا بھارت کو رافیل طیاروں پر بہت ناز تھا، مگر پاکستانی افواج نے ان کے تکبر کو خاک میں ملا دیا۔ یہ صرف رافیل نہیں، بھارت کا غرور گرا ہے۔ پہلی بار چائے پلائی گئی تھی، اب دشمن بھاگ نکلا تو چائے کی ہوم ڈیلیوری کر دی گئی۔
بھارتی ڈرونز میں اسرائیلی ٹیکنالوجی استعمال ہوئی، بھارت کی ٹیکنالوجی پر مبنی برتری کا خواب بھی چکناچور ہو گیا۔ وزیر اطلاعات نے بتایا کہ بھارتی فوجیوں نے ایل او سی پر شکست کے بعد سفید جھنڈے لہرائے، جو پاکستان کی فتح کا اعلان تھا۔
اب بھارت نے اپنی حکمت عملی تبدیل کر لی ہے، لیکن پاکستان کے شاہین ہر محاذ پر تیار ہیں۔ قومی سلامتی کمیٹی نے افواج پاکستان کو ہر قسم کی کارروائی کا اختیار دے دیا ہے۔ اب لڑائی کا وقت، مقام اور ہدف پاکستان طے کرے گا۔
