ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ پاکستان اور بھارت کے درمیان اصل تنازع اب بھی برقرار ہے، اور اگر بھارت کو جنگ چاہیے، تو پھر جنگ ہی سہی۔
برطانوی نشریاتی ادارے کو انٹرویو دیتے ہوئے انہوں نے کہا کہ پاکستان نے حالیہ دنوں میں بالغ نظری سے ردعمل دیا، اور امن کو ترجیح دیتا ہے، لیکن جنگ کے لیے بھی تیار ہے۔
انہوں نے مزید کہا کہ بھارت داخلی سیاست کو بہتر بنانے کے لیے بیانیہ گھڑتا ہے، اور ہر چند سال بعد ایک نیا موقف اختیار کرتا ہے۔
ڈی جی آئی ایس پی آر نے واضح کیا کہ اصل تنازع برقرار ہے، اور کسی بھی وقت چنگاری بھڑک سکتی ہے، جبکہ بھارت گھمنڈ کا شکار ہے۔
