آئرش کرکٹر پال اسٹرلنگ نے آئرلینڈ کیلئے نئی تاریخ رقم کر دی۔
بدھ کو آئرلینڈ اور ویسٹ انڈیز کے درمیان 3 ون ڈے میچز کی سیریز کا پہلا میچ ڈبلن میں کھیلا گیا۔
پہلے ون ڈے میں میزبان آئرلینڈ نے ویسٹ انڈیز کو آؤٹ کلاس کرتے ہوئے 124 سے شکست دے کر سیریز میں ایک صفر کی برتری حاصل کی۔
آئرلینڈ نے پہلے بیٹنگ کرتے ہوئے مقررہ 50 اوورز میں 303 رنز اسکور کیے۔اینڈریو بالبرنی نے 112، ہیری ٹیکٹر نے 56 اور کپتان پال اسٹرلنگ نے 54 رنز اسکور کیے۔
304 رنز کے ہدف کے جواب میں مہمان ویسٹ انڈیز ٹیم 35 ویں اوور میں 179 رنز پر ڈھیر ہوگئی۔
اس میچ میں آئرش کپتان پال اسٹرلنگ نے آئر لینڈ کے لیے نئی تاریخ رقم کی۔
پال اسٹرلنگ آئرلینڈکی جانب سے انٹرنیشنل کرکٹ میں 10 ہزار رنز اسکور کرنے والے پہلے بیٹر بن گئے۔
