انگلینڈ کے تجربہ کار بیٹر جو روٹ نے ٹیسٹ کرکٹ میں ایک اہم سنگ میل عبور کرتے ہوئے 13 ہزار رنز مکمل کر لیے۔
زمبابوے کے خلاف ٹیسٹ میچ کے پہلے دن، جو روٹ نے 28 واں رن مکمل کر کے یہ تاریخی کارنامہ انجام دیا، جس کے ساتھ وہ 13 ہزار ٹیسٹ رنز بنانے والے دنیا کے پانچویں اور انگلینڈ کے پہلے بیٹر بن گئے۔
جو روٹ نے یہ سنگ میل 153 ویں ٹیسٹ میچ میں عبور کیا، جس سے وہ ٹیسٹ کرکٹ میں تیز ترین 13 ہزار رنز بنانے والے بیٹر بھی بن گئے۔ اس سے قبل یہ ریکارڈ جنوبی افریقا کے جیک کیلس کے پاس تھا، جنہوں نے 159 ٹیسٹ میچز میں یہ سنگ میل عبور کیا تھا۔
راہول ڈریوڈ نے 160، رکی پونٹنگ نے 162 اور سچن ٹنڈولکر نے 163 ٹیسٹ میچز میں 13 ہزار رنز مکمل کیے تھے۔
ٹیسٹ کرکٹ میں سب سے زیادہ رنز بنانے کا ریکارڈ بھارت کے سابق لیجنڈری کرکٹر سچن ٹنڈولکر کے پاس ہے، جنہوں نے 200 میچز میں 15 ہزار 921 رنز بنائے۔
انگلینڈ نے زمبابوے کے خلاف ٹیسٹ میچ کے پہلے دن 3 وکٹوں کے نقصان پر 498 رنز بنائے، جس میں بین ڈکیٹ نے 140، زیک کرالی نے 124 اور جو روٹ نے 34 رنز کی اننگز کھیلی۔
اولی پوپ 169 اور ہیری بروک 9 رنز کے ساتھ ناٹ آؤٹ ہیں۔
۔
