انٹرنیشنل کرکٹ کونسل (آئی سی سی) نے ورلڈ ٹیسٹ چیمپئن شپ کے فائنل کے لیے میچ آفیشلز کی فہرست جاری کر دی ہے۔
فائنل میں کرس گیفنی اور رچرڈ ایلن گورتھ آن فیلڈ امپائرز کے فرائض انجام دیں گے، جبکہ رچرڈ کیٹل بورو ٹی وی امپائر اور نیتین مینن فورتھ امپائر ہوں گے۔
بھارت کے جواگل سری ناتھ کو میچ ریفری مقرر کیا گیا ہے۔
ورلڈ ٹیسٹ چیمپئن شپ کا فائنل آسٹریلیا اور جنوبی افریقا کے درمیان 11 جون سے لارڈز میں کھیلا جائے گا۔
