اسلام آباد: وفاقی حکومت نے قومی بچت سکیموں کی شرح منافع میں اضافہ کردیا ہے
اس حوالے سے وزارت خزانہ کی جانب سے جاری کردہ نوٹیفکیشن میں قومی بچت سکیموں پر منافع کی نئی شرح کا اعلان کیا گیا ہے۔
نوٹیفکیشن کے مطابق پنشن بینیفٹ اکاونٹ اور بہبود سیونگ سرٹیفیکیٹ کا منافع 860 روپے ماہانہ سے بڑھا کر 940روپے کر دیا گیا ہے۔
علاوہ ازیں سپیشل سیونگ سرٹیفیکیٹ پر ہر چھ ماہ بعد 3900 روپے ملیں گے اورڈیفینس سیونگ سرٹیفیکیٹ پر دس سال بعد دو لاکھ چھیالیس ہزارروپے ملیں گے جبکہ سیونگ اکاونٹ پر شرح منافع تبدیل نہیں کی گئی ہے۔
قومی بچت کی سکیموں میں اوسطاً 0.97 فی صد اضافہ کیا گیا ہے۔ قومی بچت سکیموں پر منافع کی نئی شرح کا اطلاق آج 21جنوری سے ہو گا۔
