آئی سی سی ٹی ٹوئنٹی نئی رینکنگ میں بابر اعظم ایک درجہ تنزلی کے بعد چوتھے نمبر پر آگئے ہیں جبکہ بولرز میں کوئی پاکستانی ٹاپ ٹین میں شامل نہیں۔
تفصیلات کے مطابق انٹر نیشنل کرکٹ کونسل نےٹی 20 کی نئی رينکنگ جاری کردی ہے جس کے مطابق بلے بازوں میں ڈیوڈ میلان پہلے نمبر پر موجود ہیں جب کہ 2 درجے ترقی کے ساتھ ایرون فنچ دوسرے جب کہ بھارت کے لوکیش راہول ایک درجے ترقی کے ساتھ تیسرے نمبر پر موجود ہیں۔
آئی سی سی کی جاری کردہ نئی ٹی 20 رینکنگ میں پاکستان کے اسٹار بلے باز اور قومی ٹیم کے کپتان بابر اعظم کی ایک درجے تنزلی ہوئی ہے ، وہ تیسرے سے چوتھے نمبر پر آگئے ہیں۔
نئی ٹی 20 رینکنگ کے مطابق بلے بازوں میں راسی وین ڈر ڈوسین پانچویں، ویرات کوہلی چھٹے، گلین میکسویل ساتویں، مارٹن گپٹل آٹھویں، حضرت اللہ زازئی نویں اور ایون مورگن دسویں نمبر پر ہیں۔
بولرز میں افغانستان کے راشد خان پہلے، تبریز شمسی دوسرے، مجیب الرحمان تیسرے نمبر پر ہیں جبکہ بولرز میں کوئی پاکستانی ٹاپ ٹین میں شامل نہیں۔
