کوئٹہ: کوئٹہ کے نواحی علاقے اغبرگ میں سی ٹی ڈی فورس کا سرچ آپریشن مکمل ہو گیا، فائرنگ کے تبادلے میں 4 مبینہ دہشت گرد ہلاک ہو گئے جن کے قبضے سے بھاری تعداد میں اسلحہ اور گولہ بارود برآمد کیا گیا۔
تفصیلات کے مطابق کوئٹہ کے نواحی علاقے اغبرگ میں خفیہ اطلاع ملنے پر سی ٹی ڈی فورس سمیت دیگر سکیورٹی فورسز نے دہشت گردوں کی موجودگی پر سرچ آپریشن کیا، کئی گھنٹے جاری رہنے والے آپریشن کے بعد دہشتگردوں کے زیر استعمال کمپاؤنڈکی تلاشی کا عمل مکمل کرلیا گیا۔
سی ٹی ڈی ترجمان کے مطابق آپریشن کے دوران سکیورٹی فورسز اور دہشت گردوں کے درمیان فائرنگ کاتبادلے میں چار مبینہ دہشتگرد ہلاک اور دو فرار ہو گئے، مبینہ دہشتگردوں کے زیر استعمال کمپاؤنڈ سے اسلحہ وگولہ بارود برآمد کیا گیا۔ ہلاک دہشتگردوں کا تعلق کالعدم تنظیم بتایا جاتا ہے۔
سی ٹی ڈی ترجمان کے مطابق مبینہ دہشتگرد فورسز پر حملوں میں ملوث رہے ہیں اور کوئٹہ میں مزید دہشتگردانہ کارروائیوں کیلئے اکٹھے ہوئے تھے جو سکیورٹی فورسز کی کامیاب کارروائی کے بعد ناکام بنادی گئی، سکیورٹی فورسز نے علاقے کوگھیرے میں لیکر مزید تحقیقات شروع کردی ہے۔
فورسز کا آپریشن،4دہشتگرد مارے گئے
کوئٹہ: کوئٹہ کے نواحی علاقے اغبرگ میں سی ٹی ڈی فورس کا سرچ آپریشن مکمل ہو گیا، فائرنگ کے تبادلے میں 4 مبینہ دہشت گرد ہلاک ہو گئے جن کے قبضے سے بھاری تعداد میں اسلحہ اور گولہ بارود برآمد کیا گیا۔
تفصیلات کے مطابق کوئٹہ کے نواحی علاقے اغبرگ میں خفیہ اطلاع ملنے پر سی ٹی ڈی فورس سمیت دیگر سکیورٹی فورسز نے دہشت گردوں کی موجودگی پر سرچ آپریشن کیا، کئی گھنٹے جاری رہنے والے آپریشن کے بعد دہشتگردوں کے زیر استعمال کمپاؤنڈکی تلاشی کا عمل مکمل کرلیا گیا۔
سی ٹی ڈی ترجمان کے مطابق آپریشن کے دوران سکیورٹی فورسز اور دہشت گردوں کے درمیان فائرنگ کاتبادلے میں چار مبینہ دہشتگرد ہلاک اور دو فرار ہو گئے، مبینہ دہشتگردوں کے زیر استعمال کمپاؤنڈ سے اسلحہ وگولہ بارود برآمد کیا گیا۔ ہلاک دہشتگردوں کا تعلق کالعدم تنظیم بتایا جاتا ہے۔
سی ٹی ڈی ترجمان کے مطابق مبینہ دہشتگرد فورسز پر حملوں میں ملوث رہے ہیں اور کوئٹہ میں مزید دہشتگردانہ کارروائیوں کیلئے اکٹھے ہوئے تھے جو سکیورٹی فورسز کی کامیاب کارروائی کے بعد ناکام بنادی گئی، سکیورٹی فورسز نے علاقے کوگھیرے میں لیکر مزید تحقیقات شروع کردی ہے۔
