مظفرآباد: ضامن آباد کے مقام پر مسافر وین گہری کھائی میں گر گئی ۔خوفناک حادثےمیں تین بچوں سمیت 11 افرادجاں بحق جبکہ 14 افراد زخمی ہوگئے ۔
میڈیا رپورٹس کے مطابق راولپنڈی سے چکوٹھی آنے والی مسافر وین کوہالہ کے قریب ضامن آباد کے مقام پر تیز رفتاری کے باعث بے قابو ہوکر گہری کھائی میں جاگری جس کے نتیجے میں 3 بچوں سمیت 9 افراد موقع پر جاں بحق جب کہ 16 افراد زخمی ہوئے۔
پولیس کے مطابق حادثے کے فوراً بعد امدادی ٹیموں نے موقع پر پہنچ کر جاں بحق افراد میں سے 3 کی لاشیں عباس انسٹیویٹ آف میڈیکل سائنسز اور 6 لاشیں سی ایم ایچ منتقل کیں جب کہ دیگر زخمیوں کو طبی امداد کے لیے قریبی اسپتال منتقل کیا۔ جہاں مزید 2 افراد زخموں کی تاب نہ لاتے ہوئے جاں بحق ہو گئے۔
