جنوبی وزیرستان:چیک پوسٹ کے قریب 4 مشتبہ دہشت گرد گرفتارکیے گئے جنہوں نے دھماکے کی منصوبہ بندی کا بھی انکشاف کیا۔
آئی ایس پی آر کی جانب سے جاری بیان میں کہا گیا ہے کہ گزشتہ رات جنوبی وزیرستان میں فوجی چیک پوسٹ کے قریبی علاقے سراروغہ میں مشتبہ دہشت گردوں کی نقل و حرکت دیکھی گئی تھی، مشتبہ دہشت گردوں سے نمٹنے کے لیے فوری طور پر کوئیک ری ایکشن فورس روانہ ہوئی۔
آئی ایس پی آر کے مطابق موثر کارروائی کے ذریعے ایک دہشت گرد مارا گیا جبکہ ایک زخمی حالت میں پکڑا گیا۔ دہشت گردوں کے ساتھ فائرنگ کے تبادلے کے دوران نائیک ضیاء الدین شہید ہوگیا۔
آئی ایس پی آر کے مطابق دہشت گرد نے انکشاف کیا کہ وہ فوجی چیک پوسٹ پر حملے کی منصوبہ کر چکے تھے۔
آئی ایس پی آر کا کہنا ہے کہ پاک فوج دہشت گردی سے نمٹنے کے لیے پر عزم ہے، ہمارے سپاہیوں کی قربانیاں ہمارے عزم کو مزید مضبوط بناتی ہیں۔
