پشاور:دنیا بھر میں سرچنگ کیلئے استعمال ہونے والے گوگل سرچ انجن کے براؤزر”کروم“ میں استعمال کنندگان کیلئے 3زبردست فیچرز متعارف کرا دیئے گئے ہیں جن سے سرچنگ میں مزید آسانی پیدا ہوگئی۔
گیجٹس نا ویب سائٹ نے اپنی ایک رپورٹ میں بتایا ہے کہ گوگل نے کروم براؤزر میں تین ایسے فیچرز متعارف کرائے ہیں جن سے استعمال کنندگان کیلئے لطف اندوز ہوں گے۔
فیچرز میں ’سینڈ لنکس‘ٹیب سرچ اور نیو بیک گراؤنڈ اینڈ کلر شامل ہیں۔
سینڈ لنکس کے ذریعے استعمال کنندہ کروم سے براہ راست کسی دوسرے کو لنک ارسال کر سکے گا۔ تاہم اس فیچر سے ارسال کرنیوالا لنک میں موجود مخصوص مواد کو ہائی لائٹ بھی کر سکے گا۔لنک وصول کرنے والا کلک کرتے ہی لنک کے ہائی لائٹ مواد تک پہنچ جائے گا۔
بعض اوقات استعمال کنندہ کے کروم براؤزر پر درجنوں ٹیبز کھلی ہوتی ہیں اور فوری طور پر مطلوبہ ٹیب کو سرچ کرنے میں دقت کا سامنا کرنا پڑتا ہے۔ اس مشکل کو آسان کرنے کیلئے گوگل نے ”ٹیب سرچ“ فیچر متعارف کرایا ہے جس سے استعمال کنندہ ٹیب کو سرچ کر کے باآسانی اس تک پہنچ جائے گا۔ مطلوبہ ٹیب کیلئے سرچ آئیکون پر اس کا ”کی ورڈ“ ڈالنا ہوگا۔
گوگل نے کروم براؤزر کو مزید دلچسپ بنانے کیلئے رنگ اور بیک گراؤنڈ فیچر کو متعارف کرایا ہے جس میں استعمال کنندہ اپنے براؤزر کا نہ صرف رنگ تبدیل کر سکیں گے بلکہ پس منظر کو بھی اپنی پسند کے مطابق ترتیب دے سکیں گے۔
