رچرڈ برینسن کی کمپنی نے خلائی سفر کیلئے ٹکٹوں کی فروخت شروع کردی۔
غیر ملکی میڈیا کے مطابق ورجن گلیکٹک نامی کمپنی کی جانب سے خلائی سفر کےلیے فی سیٹ 4 لاکھ 50 ہزار ڈالرز کے حساب سے فروخت کی جائے گی اور سیٹ پکی کرنے کے لیے ڈیڑھ لاکھ ڈالرز ڈپازٹ جمع کرانے ہوں گے۔
کمپنی کا کہنا ہے کہ یہ فروخت پہلے آئیے، پہلے پائیے کی بنیاد پر ہوگی۔
کمپنی کے ترجمان کا کہنا ہے کہ خلائی سیاحت کے دلداہ افراد امریکی ریاست نیو میکسیکو میں اسپیس پورٹ سے ادائیگی کرکے ٹکٹ بک کرواسکتے ہیں۔
خیال رہے کہ کمپنی کے بانی سر رچرڈ برینسن گزشتہ برس خلائی جہاز کی ہوریزونٹل ٹیک آف کی تجرباتی فلائیٹ پر خلاء میں گئے تھے۔
