ایم ڈی کیٹ ٹیسٹ کے دوران خفیہ وی آئی پی پاسز کے ذریعہ موبائل استعمال کرنے والے 10 طلبہ گرفتار کرلیے گئے۔
مذکورہ طلبا و طالبات سے بلیو ٹوتھ ڈیوائس سے نقل کی سہولت کے عوض 30 لاکھ روپے فی طالب علم وصول کیے گئے تھے۔
پولیس کے مطابق ایم ڈی کیٹ ٹیسٹ میں خفیہ طور پر موبائل استعمال کرنے پر 10 طلبہ کے خلاف کیسز درج کرلیے گئے ہیں۔
تمام 10 طلبہ کو تھانہ کینٹ منتقل کردیا گیا، پولیس نے میڈیا کو بتایا کہ تمام طلباء کو خفیہ طور پر وی آئی پی پاسز اور موبائل فون جاری کیے گئے تھے جن کے ذریعہ ان کو باہر سے ٹیسٹ کے جوابات بتائے جارہے تھے۔
گرفتار ہونے والوں میں، سیف الرحمن محسود، عرفان اللہ، جنید خان وزیر، ابراہیم اکاخیل ٹانک ،تاج محمد ڈیرہ ٹانک، عبد اللہ لکی مروت، اختر رسول خٹک، محمد سدیس کرک ،مبشر کرک اور دیگر شامل ہیں۔
پولیس حکام کے مطابق ایف آئی آر میں 419 اور 420 کی دفعات شامل ہیں۔ مقدمات تھانہ شرقی فقیر آباد اور پہاڑی پورہ میں درج کیے گئے ہیں، امتحانی ہال میں طلبا سے بلو ٹوتھ ڈیوائس برآمد ہوئی تھیں۔
