پنجاب سے غیرقانونی مقیم غیرملکی افراد کو ڈی پورٹ کرنے کا سلسلہ جاری ہے۔
آئی جی پنجاب ڈاکٹر عثمان انور کا کہنا ہے کہ بین الاقوامی قوانین کے تحت غیر قانونی مقیم باشندوں کے انخلا کی پالیسی پر عمل پیرا ہیں، اب تک 10985غیرقانونی مقیم غیرملکی باشندوں کو ڈی پورٹ کر دیا گیا۔
آئی جی پنجاب کے مطابق لاہور میں 5 اور صوبہ بھر میں 46 ہولڈنگ سنٹرز قائم ہیں اور 11ہزار643 غیرقانونی مقیم باشندوں کو ہولڈنگ سینٹرز پہنچا دیا گیا ہے۔
آئی جی پنجاب کا مزید کہنا ہے کہ اس وقت 658 غیرقانونی مقیم افراد ہولڈنگ پوائنٹس پر موجود ہیں، تمام غیر قانونی مقیم افراد کا انخلا یقینی بنائیں گے جبکہ انخلا کے عمل کے دوران انسانی حقوق کو مکمل طور پر مدنظر رکھا جا رہا ہے۔
