کراچی: سونے کی عالمی اور مقامی قیمتوں میں مسلسل اضافہ جاری ہے، آج بھی نیا ریکارڈ قائم ہوگیا۔
آل پاکستان صرافہ جیمز اینڈ جیولرز ایسوسی ایشن کے مطابق، ملک میں فی تولہ سونے کی قیمت 1650 روپے اضافے کے بعد 3 لاکھ 19 ہزار روپے کی بلند ترین سطح پر پہنچ گئی۔
اسی طرح، 10 گرام سونے کی قیمت میں بھی 1415 روپے کا اضافہ ہوا، جس کے بعد یہ 2 لاکھ 73 ہزار 391 روپے ہوگئی۔
ایسوسی ایشن کے مطابق، عالمی مارکیٹ میں بھی سونے کی قیمت میں 16 ڈالر کا اضافہ ہوا، جس سے فی اونس قیمت 3 ہزار 38 ڈالر ہوگئی۔
