پاکستان میں سونے کی قیمت میں مسلسل تیسرے روز اضافہ ہوا ہے، جس کے بعد فی تولہ سونا ملکی تاریخ کی بلند ترین سطح پر پہنچ گیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں آج 2,000 روپے کا اضافہ ریکارڈ کیا گیا ہے، جس کے بعد نئی قیمت 3 لاکھ 50 ہزار روپے ہو گئی ہے۔
اسی طرح 10 گرام سونا بھی 1,715 روپے مہنگا ہو کر 3 لاکھ 368 روپے کا ہو گیا ہے۔
عالمی مارکیٹ میں بھی سونے کی قیمت میں اضافہ دیکھنے میں آیا ہے، جہاں فی اونس سونا 19 ڈالر کے اضافے کے بعد 3,329 ڈالر پر ٹریڈ ہو رہا ہے۔
