کراچی: چار روز تک مسلسل اضافے کے بعد ملک میں سونے کی قیمت میں کمی دیکھنے میں آئی ہے۔
آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت میں 2 ہزار روپے کی کمی ہوئی ہے، جس کے بعد نئی قیمت 3 لاکھ 18 ہزار 800 روپے ہو گئی ہے۔
اسی طرح 10 گرام سونے کی قیمت میں بھی 1715 روپے کی کمی ہوئی، جس کے بعد اس کی نئی قیمت 2 لاکھ 73 ہزار 319 روپے ہو گئی۔
عالمی مارکیٹ میں بھی سونے کی قیمت میں کمی دیکھنے میں آئی، جہاں سونا 19 ڈالر کم ہو کر 3 ہزار 31 ڈالر فی اونس پر پہنچ گیا۔
