اسلام آباد: وفاقی حکومت نے نیپرا سے رابطہ کرتے ہوئے بجلی صارفین کو مزید ریلیف فراہم کرنے کے لیے ٹیرف ڈیفرینشل سبسڈی میں اضافہ کرنے کا فیصلہ کیا ہے۔ نیپرا میں سبسڈی کے حوالے سے سماعت 4 اپریل کو ہوگی، اور یہ سبسڈی اپریل سے جون تک تین ماہ کے لیے بڑھائی جائے گی۔
ڈسکوز اور کے الیکٹرک کے صارفین کو 1 روپے 71 پیسے فی یونٹ کا ریلیف ملے گا، جبکہ یہ سبسڈی لائف لائن صارفین کے علاوہ تمام صارفین کے لیے دستیاب ہوگی۔
آئی ایم ایف نے حال ہی میں بجلی کے ٹیرف میں ایک روپے فی یونٹ کمی کی اجازت دی ہے، جو کہ کیپٹیو پاور پلانٹس پر عائد لیوی سے حاصل ہونے والے ریونیو کے ذریعے فراہم کی جائے گی۔
حکومت بجلی صارفین کے لیے ایک ریلیف پیکیج تیار کرنے پر بھی کام کر رہی ہے، جس کا اعلان آئی ایم ایف کی منظوری کے بعد کیا جائے گا۔
پاکستان اور آئی ایم ایف کے درمیان اسٹاف لیول ایگریمنٹ کے تحت نئی کاربن لیوی متعارف کرانے پر بھی اتفاق ہوا ہے، اور پانی کی قیمتوں میں اضافے اور آٹو موبائل سیکٹر کو عالمی تجارت کے لیے کھولنے پر بھی بات چیت کی گئی ہے۔
