پاکستانی وزیر خارجہ اسحاق ڈار نے ایک بڑا دعوی کیا ہے کہ پاکستانی فضائیہ نے بھارتی فضائیہ کے تمام جنگی طیارے، جن میں رافیل بھی شامل ہیں، مار گرائے ہیں۔ انہوں نے بتایا کہ اس کارروائی میں چینی ساختہ J-10C لڑاکا طیارے استعمال کیے گئے۔
اسحاق ڈار نے ایک اہم بیان میں کہا، "چینی سفیر صبح 4 بجے دفتر خارجہ میں موجود تھے، اور ہم نے بطور دوست ملک انہیں تمام تفصیلات سے آگاہ کیا۔"
انہوں نے مزید کہا، "رافیل طیارے جن کی بہت زیادہ تشہیر کی گئی تھی، وہ بری طرح ناکام ہوئے، اور بھارتی پائلٹس مکمل طور پر نااہل ثابت ہوئے۔"
یہ بیان اس وقت سامنے آیا ہے جب دونوں ممالک کے درمیان کشیدگی عروج پر ہے، اور سرحد پر غیر معمولی نقل و حرکت دیکھی جا رہی ہے۔
