بھارت میں شدید گرمی اور بجلی کی بندش کے باعث ایک خاندان نے اے ٹی ایم بوتھ میں پناہ لے لی۔
ریاست اترپردیش کے شہر جھانسی میں درجہ حرارت 45 ڈگری سینٹی گریڈ تک پہنچ چکا ہے، جبکہ بجلی کی طویل بندش نے شہریوں کی مشکلات میں اضافہ کر دیا ہے۔
متاثرہ خاندان نے اے ٹی ایم بوتھ میں ڈیرے ڈال کر اے سی کی سہولت حاصل کر لی، جس کی ویڈیو سوشل میڈیا پر وائرل ہو گئی ہے۔
خاتون نے بتایا کہ بجلی کی مسلسل بندش کے باعث وہ مجبوراً یہاں آنے پر مجبور ہوئے ہیں
خاتون کا کہنا ہے کہ نہ دن میں بجلی ہے اور نہ ہی رات میں، صبح اٹھ کر ہمیں اپنے روزگار پر بھی جانا پڑتا ہے، اگر نہیں گئے تو بچوں کو کھانا کہاں سے کھلائیں گے۔
انہوں نے مزید کہا کہ ایک ماہ ہوگیا ہے، بجلی کی بندش کا سلسلہ جاری ہے اس لیے ہمیں مجبوراً اپنی فیملی کے ساتھ یہاں آنا پڑا۔
