کیا آپ جانتے ہیں کہ وقت سے پہلے بالوں میں چاندی، چہرے پر جھریاں اور تھکن صرف قسمت یا جینیات کا کمال نہیں بلکہ آپ کی روزمرہ کی عادات اس کی اصل وجہ ہو سکتی ہیں؟
طبی ماہرین کہتے ہیں کہ کبھی چھٹی نہ لینا، دن بھر بیٹھے رہنا، پانی پینا بھول جانا، تناؤ بھرے لمحات، اور اپنی صحت کو نظر انداز کرنا — یہ سب عادتیں وہ زہر ہیں جو خاموشی سے آپ کو وقت سے پہلے بوڑھا کر دیتے ہیں۔
ہیڈ فونز کا ضرورت سے زیادہ استعمال، ہر وقت سکرین کے سامنے رہنا، اور دماغ کو کسی نئے چیلنج سے دور رکھنا دماغی تھکن اور یادداشت کی کمی کی بڑی وجوہات میں شامل ہیں۔
اسی طرح دانتوں کی صفائی سے غفلت، سن اسکرین کا استعمال نہ کرنا، اور سماجی تنہائی آپ کے جسمانی اور ذہنی نظام پر منفی اثر ڈالتی ہے۔
ماہرین کا مشورہ ہے: خود پر توجہ دیں، اپنی صحت کو وقت دیں، سماجی رہیں، اور زندگی کا لطف اٹھائیں — کیونکہ بڑھاپا روکنا ممکن نہیں، مگر اسے مؤخر ضرور کیا جا سکتا ہے۔
