سوات۔سوات میں کورونا کے مزید 2 افراد جاں بحق ہوگئے مرنے والوں کی تعداد 52ہوگئی جبکہ ملاکنڈ ڈویژن میں تعداد 110 تک جا پہنچی،24 گھنٹوں میں 71 کیسز نئے سامنے آگئے، سوات میں کورونا کے وار جاری ہیں -
ڈی ایچ او سوات اکرام شاہ کے مطابق سوات میں کورونا کے مزید دو متاثرہ افراد جان کی بازی ہار گئے جس کے بعد جاں بحق افراد کی تعداد 52 ہوگئی جبکہ ملاکنڈ ڈویژن میں کورونا سے جاں بحق افراد کی تعداد 110 تک پہنچ گئی،جبکہ گزشتہ 24 گھنٹوں کے دوران مینگورہ،مٹہ،مکان باغ،کبل،کانجو،مدین،علی گرامہ،سیدو شریف،دیولئی،رنگ محلہ اور دیگر علاقوں میں 71 مزید نئے کیسز سامنے آگئے جس کے بعد متاثرہ افراد کی تعداد 1186 ہوگئی۔
