اسلام آباد:پی آئی اے کا متبادل ذرائع سے برطانیہ کا آپریشن بحال کر دیا گیا ہے، نئے یورپی جہازوں کے ساتھ 30 اکتوبر سے برطانیہ کیلئے پروازوں کا آغازہوگیا ہے۔
ترجمان پی آئی اے کے مطابق پہلے مرحلے میں اسلام آباد تا لندن، لاہور تا لندن اور اسلام آباد تا مانچسٹر کی پروازوں چلائی جائیں گی۔
نئے جہاز، آرام دہ نشستیں, حلال کھانا اور دنیا کے بہترین ان فلائیٹ انٹرٹینمنٹ کے حامل پروازیں براہ راست آپریٹ کریں گی۔
پی آئی اے نے بکنگ کا آغاز کردیا ہے، امید ہے ہمارے مہمانان کسی بھی بہترین ائرلائن سے بہتر یا ہم پلہ سروس کیلئے قومی ائرلائن کا انتخاب کریں گے۔
