محکمہ موسمیات کے مطابق خیبر پختونخواکے بعض اضلاع میں کل شام سے بارشوں اورتیز ہوائوں کا نیاسلسلہ شروع ہونے کاامکان ہے ۔
ان اضلاع میں کوہستان ، شانگلہ ، مانسہرہ ، ایبٹ آباد ، ہری پور ، مردان ، چارسدہ ، نوشہرہ ، دیر ، چترال ، پشاور ، کوہاٹ اور وزیرستان شامل ہیں
پی ڈی ایم اے خیبر پختونخوانے ضلعی انتظامیہ اورمتعلقہ اداروں کومراسلہ جاری کر دیا۔
بدھ سے جمعہ تک دیر ، کوہستان ، مانسہرہ اور ایبٹ آباد میں وقفے وقفے سے تیز بارش ہوسکتی ہے
ڈی جی، پی ڈی ایم اے شریف حسین نے تیزبارشوں کے پیش نظرضلعی انتظامیہ اورمتعلقہ اداروں کو پیشگی اقدامات کرنے اورالرٹ رہنے کی ہدایت کی ہے
بارشوں کا سلسلہ ہفتہ کے روزتک وقفے وقفے سے جاری رہنے کا امکان ہے
سیاح خصوصی احتیاطی تدابیر اختیار کریں اورموسمی صورت حال سے باخبر رہےں۔
ترجمان پی ڈی ایم اے کے مطابق عوام کسی بھی ناخوشگوار واقعے کی اطلاع ھیلپ لائن 1700 پر دیں۔
