معروف ویڈیو شیئرنگ ایپلی کیشن ٹک ٹاک نے بھی ٹوئٹر کی طرز کے نئے فیچر کی آزمائش شروع کردی۔
ٹک ٹاک نے بھی ری ٹویٹ کی طرح ’ری پوسٹ‘ کے فیچر کی آزمائش شروع کردی، اس کا مقصد یہ ہے کہ ٹاک ٹاک ویڈیو کلپس کو مزید پھیلانا چاہتا ہے تاکہ فالوورز کے لیے بہتر مواد پیش کیا جاسکے۔
اس ضمن میں ایک صارف نے ری پوسٹ بٹن کا اسکرین شاٹ بھی شیئر کردیا۔
اسکرین شاٹ میں دیکھا جاسکتا ہے کہ آپ چاہیں تو ایک شخص یا تمام فالوورز تک اسے ری پوسٹ کرسکیں گے.
اس طرح آپ کے رابطے کے لوگ آپ کا شیئر کردہ کلپ دیکھ سکتے ہیں، فیس بک کی طرح آپ اس میں اپنی رائے بھی لکھ سکتے ہیں۔
اگرچہ دیگر سوشل میڈیا پلیٹ فارم ری پوسٹ کے اس آپشن سے مطمئن نہیں اور اس کے منفی اثرات کو محسوس کرچکے ہیں لیکن عین اسی تناظر میں ٹک ٹاک اس آپشن کو استعمال کرنے پر غور کررہا ہے بالخصوص کورونا وبا میں غلط فہمیاں اسی سے پروان چڑھی ہیں۔
ٹک ٹاک اس فیچر کے ذریعے ویڈیو کو مزید پھیلانے کا خواہشمند ہے۔
ٹک ٹاک نے اس کے لیے تمام افراد کے علاوہ ایک یا کئی دوستوں کو ری پوسٹ کا آپشن منتخب کیا ہے کیونکہ لوگ ایک دوسرے سے واقف ہوتے ہیں اور ویڈیو پر تبصرہ کرسکتےہیں۔
