شمالی وزیرستان: ضلع دوسالی کے علاقے میں سیکیورٹی فورسز کےانٹیلی جنس بیسڈ آپریشن میں فائرنگ کے تبادلے کے دوران ایک دہشت گرد مارا گیا،جبکہ دہشت گرد کے قبضے سےاسلحہ اور گولہ بارود بھی برآمد ہوا ہے۔
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے ضلع دوسالی کے علاقے میں دہشت گردوں کی موجودگی کی اطلاع پر انٹیلی جنس کی بنیاد پر سیکیورٹی فورسز نے آپریشن کیا، جب کہ اس دوارن شدید فائرنگ کے تبادلے میں ایک دہشت گرد مارا گیا۔
آئی ایس پی آر کے مطابق ہلاک دہشت گرد کی شناخت مبین عرف مجروح کے نام سے ہوئی،جس کے قبضے سے اسلحہ اور گولہ بارود بھی برآمد ہوا ہے، دہشت گرد سیکیورٹی فورسز کے خلاف دہشت گردی کی کارروائیوں، سیکیورٹی فورسز پر حملوں، ٹارگٹ کلنگ اور اغوا برائے تاوان میں ملوث تھا۔
