محکمہ موسمیات نے صوبہ میں آج شام سے تیز بارشوں،ژالہ باری،پہاڑوں پر برفباری کی پیشگوئی کی ہے،جس کو مدنظر رکھ کر پی ڈی ایم اے خیبر پختونخوا نے ضلعی انتظامیہ اورمتعلقہ اداروں کو مراسلہ ارسال کر دیا۔
محکمہ موسمیات کے مطابق صوبہ کے اکثر اضلاع میں آج شام سے گرج چمک کے ساتھ بارشوں جبکہ پہاڑی علاقوں میں برف باری کا نیا سلسلہ شروع ہونے کا امکان ہے،جبکہ بارشوں اور برفباری کا یہ سلسلہ جمعرات کے روز تک وقفے وقفے سے جاری رہنے کا امکان ہے۔
پی ڈی ایم اے خیبر پختونخوا نے بارشوں اوربرفباری کے پیش نظر ضلعی انتظامیہ اور متعلقہ اداروں کو پیشگی اقدامات اٹھانے کی ہدایات جاری کردی ہیں۔
پی ڈی ایم اے کی جانب سے اضلاع کو جاری مراسلہ کے مطابق بعض اضلاع میں تیز آندھی اور ژالہ باری سے کھڑی فصلوں کو نقصان پہنچنے کا خدشہ ہے،جبکہ بالائی خیبر پختونخوا، بٹگرام، تورغر، کوہستان، مانسہرہ اور ایبٹ آباد کے حساس علاقوں میں لینڈ سلائیڈنگ کے خدشے کا بھی اظہار کیا گیا ہے۔
ڈی جی پی ڈی ایم اے نے اس حوالے اضلاع کو ہدایات جاری کرتے ہوئے کہا ہے کہ جہاں لینڈ سلائیڈنگ کا خطرہ ہو وہاں پر چھو ٹی بھاری مشینری کی دستیابی یقینی بنا ئی جا ئے۔
سیاحوں کیلئے بھی اس حوالے ہدایات جاری کی گئی ہیں جس میں کہا گیا ہے کہ سیاح دوران سفر خصوصی احتیاطی تدابیر اختیار کریں اورموسمی صورت حال سے باخبر رہے۔
ترجمان پی ڈی ایم اے کے مطابق پی ڈی ایم اے کا ایمر جنسی آپریشن سنٹر مکمل فعال ہے ، جبکہ شہری کسی بھی نا خوشگوار واقعے کی اطلاع پی ڈی ایم اے کی ھیلپ لائن 1700دیں۔
