ماسکو : روسی صدر پیوٹن نے ویگنر گروپ کو پھر یوکرین جا کر لڑنے کی اجازت دے دی ، ویگنر گروپ کی قیادت کمانڈر گرئے ہیر کرے گا۔
تفصیلات کے مطابق روسی صدر پیوٹن نے ویگنر گروپ کو پھر یوکرین جا کر لڑنے کی اجازت دیتے ہوئے ۔کہا کہ ویگنر گروپ کی قیادت یوگینی پریگوزن کے بجائے سینئر کمانڈر گرئے ہیر کرے گا۔
روسی میڈیا کا کہنا ہے کہ گرئے ہیر سولہ ماہ سے یوکرین میں نجی فوج کاڈی فیکیٹو کو لیڈ کر رہا ہے ، یوگینی نے صدر پیوٹن سے انتیس جون کو ہونے والی ملاقات میں اس تجویز کو مسترد کر دیا تھا۔
مشرقی یوکرین کے اہم شہر باخموت پر قبضہ کرنے والا ویگنر گروپ اب وہاں موجود نہیں ہے، گروپ نے یوگینی کی قیادت میں دس ماہ تک خونریز لڑائی لڑی تھی۔
واضح رہے گزشتہ ماہ یوگینی نے سینئر فوجی افسروں کے خلاف بغاوت کر دی تھی، صدر پیوٹن کی جانب سے وارننگ کے پیشِ نظڑ بیلاروس کی ثالثی کے بعد ویگنر گروپ نے بغاوت ختم کی تھی
دوسری جانب نجی ملٹری کمپنی ویگنرنے اپنا اسلحہ روسی فوج کے حوالے کرنا شروع کر دیا ہے۔
یاد رہے روس کی فارن انٹیلیجنس کے سربراہ سرگئی ناریشکن نے کہا تھا کہ گزشتہ ماہ کے آخر میں ان کی سی آئی اے کے سربراہ ولیم برنز کے ساتھ فون پر اس بات پر گفتگو ہوئی ہے کہ ’’یوکرین کا کیا کرنا ہے۔‘‘
سرگئی ناریشکن کے مطابق یہ گفتگو جون میں ویگنر گروپ کی ناکام بغاوت کے فوراً بعد ہوئی تھی، نیویارک ٹائمز اور وال اسٹریٹ جرنل نے بھی 30 جون کو رپورٹ کیا تھا کہ برنز نے ناریشکن کو فون کر کے کریملن کو یقین دلایا تھا کہ روسی کرائے کے فوجی یوگینی پریگوزین اور اس کے ویگنر گروپ کے جنگجوؤں کی بغاوت میں امریکا کا کوئی کردار نہیں تھا۔
