شاہراہ قراقرم پر سیاحوں کی گاڑی کے حادثے میں پانچ خواتین سمیت چھ افراد جاں بحق اور سولہ افراد ہوگئے۔
گلگت میں شاہراہ قراقرم پر تھلچی کے مقام پر سیاحوں کی بس کھائی میں گرگئی، جس کے نتیجے میں 6 افراد جاں بحق اور 15 زخمی ہوگئے۔
ریسکیو ذرائع کا کہنا ہے کہ واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچیں، تو دو افراد موقع پر ہی دم توڑ چکے تھے، جب کہ باقی 4 افراد زخموں کی تاب نہ لاتے ہوئے دوران علاج دم توڑ گئے۔
ریسکیو حکام نے بتایا کہ لاشوں اور زخمیوں کو سیف الرحمن سٹی اسپتال اور پی ایچ کیو اسپتال منتقل کیا گیا ہے، حادثے کا شکار ہونے والے تمام افراد کا تعلق کراچی سے ہے۔
وزیراعظم شہباز شریف نے سیاحوں کی بس کو حادثے اور قیمتی جانوں کے نقصان پر اظہار افسوس کرتے ہوئے گلگت بلتستان کے حکام کو فوری امدادی کارروائیوں کی ہدایت کی ہے۔
وزیراعظم نے زخمیوں کو بہترین طبی سہولیات کی فراہمی کی ہدایت کرتے ہوئے حادثے کی وجوہات جاننے کے لئے انکوائری کرانے کا حکم دے دیا ہے۔
