لندن:برطانیہ نے آئندہ مالی سال پاکستان کی مالی امداد تین گنا کرنے کا فیصلہ کیا ہے۔
سربراہ فارن، کامن ویلتھ اینڈ ڈویلپمنٹ آفس جوموئیر نے ایک انٹرویو میں کہا کہ برطانیہ نے 2024-25ء سے پاکستان کی مالی امداد سالانہ بنیادوں پر تین گنا کرنے کا فیصلہ کیا ہے۔
انہوں نے کہا کہ پاکستان کی موجودہ امداد 41.5ملین پاؤنڈز سے بڑھا کر تقریبا 133ملین پاؤنڈز کرنے کا فیصلہ کیا گیاہے۔
انہوں نے کہا کہ عارضی طور پر بڑھی ہوئی امداد کابڑا حصہ مختلف شعبوں میں استعمال کیا جائے گا، آفیشل ڈویلپمنٹ اسسٹنس زیادہ تر پاکستان کی موسمیاتی تخفیف کی ضروریات پر خرچ کیا جائے گا۔
جوموئیر نے کہا کہ پاکستان اور آئی ایم ایف کے اسٹینڈ بائی ارینجمنٹ پروگرام کے تحت ایک نئی ڈیل پر اتفاق کرنے پر خوشی ہوئی۔
انہوں نے کہا کہ آئی ایم ایف پروگرام سے پاکستان کو پروگرام کی مدت کے دوران قرضوں کی پائیداری حاصل کرنے میں مدد ملے گی۔