ممبئی: بالی ووڈاداکارہ عالیہ بھٹ نے تازہ انکشاف میں انڈسٹری کے اندر اپنی پہلی محبت کا نام بتادیا۔
اداکارہ نے اپنے پہلے شوبز کرش کا نام بتایا اور وہ رنبیر کپور نہیں ہیں بلکہ وہ بالی ووڈ کنگ شاہ رخ خان تھے۔
شاہ رخ خان اور عالیہ بھٹ نے گوری شنڈے کی فلم ’’ڈیئر زندگی‘‘ میں ساتھ کام کیا جس میں دونوں کی پرفارمنس کو بہت زیادہ پسند کیا گیا تھا۔
کنگ خان نے رنبیر کپور اور عالیہ کی نئی فلم ’’براہمسترا‘‘ کیلئے ایک خصوصی شوٹ بھی کروایا تھا جس سے دونوں فنکاروں کے درمیان گہرے تعلق کا اندازا ہوتا ہے۔
عالیہ بھٹ کی تازہ فلم ’’راکی اور رانی کی پریم کہانی‘‘ تھی جس میں انہوں نے رنویر سنگھ کے ساتھ کام کیا جبکہ ہارٹ آف سٹونز کے ذریعے ان کا ہالی وڈ ڈیبیو بھی ہوا ہے۔
