سوشل میڈیا پلیٹ فارم فیس بک کے شریک بانی مارک زکربرگ 2024 کے دوران اب تک دنیا میں سب سے زیادہ دولت کمانے میں کامیاب شخص بن گئے۔
بلومبرگ کی رپورٹ کے مطابق مارک زکربرگ نے فرانس کے برنارڈ آرنلٹ کو پیچھے چھوڑ کر دنیا کے تیسرے امیر ترین شخص بن گئے ہیں۔ میٹا کی آمدنی کی دوسری سہ ماہی رپورٹ توقعات سے زیادہ اچھی ثابت ہوئی جس سے مارک زکر برگ کی دولت میں اضافہ دیکھنے میں آیا ہے۔
رپورٹ کے مطابق رواں سال کے دوران مارک زکربرگ کے اثاثوں کی مالیت 184 ارب ڈالرز تک پہنچ چکی ہے ، جس کے بعد وہ دنیا کے تیسرے امیر ترین انسان بن گئے ہیں۔
بلوم برگ کی رپورٹ کے مطابق برنارڈ آرنلٹ کے اثاثوں کی مالیت بھی 184 ارب ڈالرز ہے تاہم انہیں اس فہرست میں چوتھے نمبر پر رکھا گیا ہے۔
سافٹ ویئر اور ٹیکنالوجی کمپنی کے شریک بانی بل گیٹس 153 بلین ڈالرز کیساتھ پانچویں ، لیری پیج 147 بلین ڈالرز کیساتھ چھٹے، لیری ایلسن 146 بلین ڈالر کیساتھ 7ویں اور سٹیو بالمر 141 بلین ڈالرز کیساتھ آٹھویں پوزیشن پر ہیں۔
فہرست میں سرگئی برن 138 بلین ڈالرز کیساتھ نویں اور وارن بفٹ 136 بلین ڈالر کیساتھ دسویں نمبر پر ہیں۔
