اس سال کا نیا آئی فون لوگوں کی توجہ کا مرکز بنے گا کیونکہ یہ کمپنی کا اب تک کا پتلا ترین اسمارٹ فون ہوگا۔ آئی فون 16 پلس کی جگہ لینے والے آئی فون 17 ائیر کے حوالے سے کافی عرصے سے لیکس سامنے آرہی ہیں اور اب ایک اور رپورٹ سامنے آئی ہے۔
رپورٹ کے مطابق، آئی فون 17 ائیر میں 6.7 انچ کا ڈسپلے، 48 میگا پکسل کا مین کیمرا اور 12 میگا پکسل کا سیلفی کیمرا ہوگا۔ فون میں 128 جی بی ریم (دیگر اسٹوریج آپشنز بھی دستیاب ہوں گے) شامل ہوگی۔
آئی فون 17 پرو میکس 6.9 انچ کے ڈسپلے سے لیس ہوگا، جبکہ اس کا کیمرا سیٹ اپ آئی فون 16 پرو میکس جیسا ہونے کا امکان ہے۔ آئی فون 17 ائیر کی خاص بات اس کی موٹائی ہوگی، جس کی پیمائش 5.59 ملی میٹر ہے، جو اسے دنیا کا سب سے پتلا فون بناتی ہے۔
لیک تصاویر کے مطابق، آئی فون 17 سیریز کے بیک کیمرا ڈیزائن میں تبدیلی کی جائے گی اور اسکوائر کیمرا سیٹ اپ ختم کر دیا جائے گا، جبکہ نیا ڈیزائن اپنایا جائے گا، جو گوگل پکسل فونز کے پل کیمرا بار جیسا ہوگا۔
