ڈیرہ غازی خان میں پولیس نے خوارجی دہشت گردوں کے ایک بڑے حملے کو ناکام بنا دیا۔
پنجاب پولیس کے مطابق، تھانہ وہوا کی جھنگی چیک پوسٹ پر 20 سے 25 دہشت گردوں نے رات کی تاریکی میں راکٹ لانچرز اور جدید ہتھیاروں کے ساتھ حملہ کیا۔
لیکن چوکی پر موجود اہلکاروں نے زبردست مزاحمت کی اور جوابی فائرنگ کی، جس کی وجہ سے دہشت گرد پیچھے ہٹ کر فرار ہونے پر مجبور ہوگئے۔
پولیس حکام نے بتایا کہ دہشت گردوں کو جانی نقصان پہنچنے کی اطلاعات ہیں، اور فرار ہونے والے دہشت گردوں کی تلاش کے لیے علاقے میں سرچ آپریشن جاری ہے۔
