لاہور: راج گڑھ میں باپ نے اپنی 2 معذور بیٹیوں کو قتل کرنے کے بعد اپنی زندگی کا بھی خاتمہ کرلیا۔
تفصیلات کے مطابق لاہور میں ساندہ کے علاقے راج گڑھ کے رہائشی ضیا نامی شخص نے اپنی 2 بیٹیوں کو چھریوں کے وار سے قتل کرنے کے بعد اپنے آپ کو بھی زخمی کرلیا۔
دونوں بیٹیاں موقع پر ہی جاں بحق ہوگئیں جب کہ ضیا کو زخمی حالت میں ہسپتال لے جایا گیا تاہم وہ راستے میں دم توڑ گیا۔
پولیس کا کہنا ہے کہ ضیا کے ہاتھوں قتل ہونے والی دونوں بیٹیاں معذور تھیں، ان کی شناخت 34 سالہ سعدیہ اور 30 سالہ اقصیٰ کے نام سے ہوئی ہے۔
واقعے کی وجوہات جاننے کیلئے تفتیش شروع کردی گئی ہے۔
