انار قدرت کا حسین اور شاندار تحفہ ہے اس کے درخت کی چھال، پھول، پھل اور پھل کا چھلکا اور یہاں تک کہ پتیاں بھی مفید ہیں۔
طبی ماہرین کا کہنا ہے کہ انار کا رس خالی پیٹ پینے سے نظام ہاضمہ بہتر اور یہ انسان کو سرطان سے بچاتا ہے اور عمر لمبی کرتا ہے۔
برطانوی ایکسپریس پورٹل کی خبر کے مطابق ۔ اس کے علاوہ انار سے کھانے سے مختلف بیماریاں بھی ختم ہوتی ہیں اگر اسے حفظان صحت کے اصولوں کے مطابق کھایا جائے تو اس کے استعمال سے وزن کم یا وزن کو ایک سطح پر برقرار رکھنے میں بھی بے حد مفید ثابت ہوتا ہے۔
انار کا رس ذائقے سے بھرپور ہونے کے ساتھ حیاتین، فولاد اور کلیشیم سے بھی بھرپور ہوتا ہے،اس کے ذریعے کھانے کا ذائقہ بہتر اور اسے مزید مفید بنایا جاسکتا ہے۔
اس میں کئی غذائی عناصر ہوتے ہیں جو صحت کے لیے بہت مفید ہوتے ہیں،اس میں وٹامن بی ہونے کی وجہ سے نظام انہضام بہتر جبکہ وٹامن سی کی وجہ سے انسانی جسم کا مدافعتی نظام مضبوط ہوتا ہے۔
انار کے رس میں موجود پولفینولک کولیسٹرول کی سطح کو مؤثر طریقے سے کم کرنے کا کام کرتے ہیں۔ انار کے جوس کے استعمال سے کینسر سے محفوظ رہا جاسکتا ہے، البتہ جن افراد کو بلڈ پریشر کا مسئلہ ہو وہ اس کے استعمال سے احتیا ط کریں۔
اس میں وٹامن سی ہونے کی وجہ سے انسانی جلد تروتازہ رہتی ہے، جسم میں بننے والے مختلف غدود ختم ہوجاتے ہیں، چہرہ چمکتا ہوا دکھائی دیتا ہے،یہ مختلف عناصر کے خلاف کام کرتا ہے جو جسم میں عمر بڑھنے کے ساتھ جھریوں کی شکل میں ظاہر ہوتے ہیں۔
اسکاٹ لینڈ میں ہونے والی ایک تحقیق کے مطابق سات اونس انار کا جو س روزانہ پانچ فیصد کے حساب سے سٹولک بلڈ پریشر کے لیول کو کم کرتا ہے۔
اس کے علاوہ انار کا جوس پینا دانتوں کو کیڑا لگنے سے بچانے کا ایک قدرتی حل بھی ہے۔ انار کا تازہ رس پینے سے جسم کی بند رگیں بھی کام کرنے لگتی ہیں جبکہ نزلہ زکام میں بھی اس کا جوس انتہائی مفید ہے۔ نیز کہ انار کا استعمال صحت کا ضامن ہے۔
